Гордеевка

Молитва иконе Богородицы "Галатская"

Богородице Царице, Госпоже Дева Марие, Мати Бога нашего! Сын Твой и Бог всех не презре грешных прибегших к Нему, но вся спасе и в разум истинный приведе. Аз же окаянный крещения осквернив обеты, заповеди Сына Твоего и Бога моего не сохранив. К Тебе убо, Госпоже, прибегаю: научй мя тво-рити волю Его, да спасет мя и введёт в разум истинный и подаст благодать Пресвятаго Духа, да не объят буду сетьмй вражиими. Иныя бо помощи не обретох от юности моея разве Тебе, Госпоже моя Богородице. Аще и многажды прогневах Тя, не благодарен о Твоей милости быв окаянный, но Ты не возгнушалася еси мене. Во глубину безумия впадох, ум погубих, но к Тебе непрестанно вопию: помилуй, Владычице, и воздвигни мя из пропасти греховныя, подаждь ми руку помощи, долу лежащему, укрепи немощнаго, очисти сквернаго, спаси погибающаго: да вси грешнии, видевше милосердие Твое на мне недостоинем, прибегнут под кров Твой и прославят Сына Твоего, со Отцем и Святым Духом, ныне и присно и во веки веков. Аминь